Қазақстан арқылы контейнермен жүк тасымалдау қанша тұрады

«Контейнермен жүк тасымалдаудың ауқымды көлемі Еуропа елдерінен келеді. Осыдан 5 жыл бұрын Еуропадан аз көлемде жүк тасымалданса, қазір елімізге жеткізілетін жүк көлемі айтарлықтай артты, әсіресе дайын өнімдер. Негізінен алғанда біздің ел арқылы Қытайға автомобиль жеткізіледі», - деді Ержан Байғожин.

Сондай-ақ, департамент басшысы Қазақстан арқылы Еуропадан Қытайға жүк тасымалының қанша тұратынын айтты.

«Қазір пандемияға байланысты баға өсті. Бұрын бір жүк контейнерінің құны орташа 6-7 мың АҚШ долларын құраса, қазір баға 9 мың АҚШ долларына дейін көтерілді. Оның үстіне теңіз тасымалы да пандемияға байланысты бағаны өсірді», - дейді ол.

Сондай-ақ, Е. Байғожин пандемияның еліміздің жүк тасымалы саласына тигізген әсері туралы айтып берді.

Одан бөлек, спикер Қазақстанда контейнермен жүк тасымалдау көлемінің артқанын алға тартты.