ҚазАқпаратқа үлкен табыстар тілеймін - «Kyodo News» президенті
«Ханымдар мен мырзалар, Сәлеметсіздер ме?! Мен Kyodo News президенті Тору Мизутанимін.
Киодо атынан Қазақстан Республикасының «ҚазАқпарат» халықаралық ақпарат агенттігін 13 тамыз күні құрылғанына 100 жыл толуымен шын жүректен құттықтаймын. ҚазАқпаратқа алдағы жылдары үлкен табыстар тілеймін.
2020 жылы әлемді дүр сілкіндірген жағдай – коронавирус пандемиясы орын алды. Бір ғасырда бір рет қайталанатын бұл құбылыс әлі күнге дейін әлем жаңалықтарының бас тақырыбына айналып отыр. Мен осы жазда Токиода өткен Олимпиада және Паралимпиада ойындарында қазақстандықтарды көремін деп үміттенгенмін. Себебі олар осымен бір жылға кешіктірілген еді, алайда әлемде мынадай оқиға орын алды. Ендігі жерде халықаралық қауымдастық коронавирустық дағдарысты еңсереді деген үмітпен келесі жылғы кездесуді асыға күтемін.
Цифрландыру жаһандық масштабта тез таралатындықтан өз кезегінде смартфондар ұсынатын жаңа да ыңғайлы құралдар пайдаланушыларға үлкен ақпарат алмасуға мүмкіндік берді. Алайда пайдасымен қатар зияны да бірге жүретіндіктен, жалған жаңалықтар сияқты проблемалардың бүкіл әлемде пайда бола бастағаны да белгілі. Осы таңда коронавирустық дағдарыс ақпараттық агенттіктердің шынайы және нақты жаңалықтарды тез жеткізудегі қызметі мен рөлі бұрынғыдан да маңызды екендігін дәлелдей түсті.
Әлемдік медиа индустрия мен журналистиканың одан әрі дамуын көремін деген үмітпен ҚазАқпаратты 100 жылдық мерейтойымен құттықтағаныма шын жүректен қуаныштымын.
Назарларыңызға рақмет!», - деді Тору Мизутанимін видеоқұттықтауда.