+7 (701) 759 90 19
USD 423.91 EUR 497.37
RUB 5.82 CNY 65.59
Jańalyqtar

Қазақ және жапон музыканттары Олимпиада қатысушыларына композиция арнады

2021 жылғы 26 шілде 18:55
Бөлісіңіз:
Қазақ және жапон музыканттары Олимпиада қатысушыларына композиция арнады

НҰР-СҰЛТАН. ҚазАқпарат - Жамбыл атындағы Қазақ мемлекеттік филармониясының артистері Токиода өтіп жатқан Олимпиадаға орай достық, келісім және өзара қолдауға арналған бейнеролик жариялады, деп хабарлайды ҚазАқпарат.

Ұқсас жаңалықтар

Мәдениет және спорт министрлігінің мәліметіне сенсек, бейнероликке Жамбыл атындағы Қазақ Мемлекеттік филармониясының жеке орындаушылары Ержан Әлімбетов (домбыра), Федор Артамонов (виолончель); Б.Байқадамов атындағы Мемлекеттік хор капелласының артисі Индира Құдабаева (вокал); «STEPPE SONS» альтернатив-фольк тобының белді мүшесі Мұратбек Раманқұлов секілді қазақ музыканттарымен қатар, жапон музыканттары Юмико Фурухаши (моринхуур), Такеши Такеучи (электр бас), Тузан Хирано (сякухачи), Аи Ямагучи (вокал) атсалысқан.

Артистер бірігіп Рокусукэ Эйдің сөзіне, композитор Хатидай Накамураның музыкасына жазылған жапондық әнші Кю Сакамотоның әйгілі «Ue o Muite Arukō» ( « Sukiyaki « ) әнін орындап шықты.

Бұл ән Жапонияда 1961 жылы дүниеге келген, бірнеше мемлекеттердің топ-чарттарында, соның ішінде американдық «Billboard hot 100» чартында бірінші орынды иемденген.

Сонымен қатар, музыканттар қазақтың «Көзіңнің мөлдірін-ай» атты халық әнін нақышына келтіріп орындады.

- Менің ойымша, қазақ музыканттарымен бірігіп жасаған композициямыз өте жылы әрі шынайы шыққан секілді. Бұл шығармашылық коллаборация керемет болды, мен жұмыс қорытындысына таң қалып отырмын. Жобаға қатысқан барша музыканттарға және жобаға қатысуға шақырған Серік Нұрмолдаевқа алғысымыз шексіз! – деп жазады өзінің жеке парақшасында жобаға қатысушылардың бірі Юмико Фурухаши.

Жоба музыканттардың композицияға қазақ және жапон халықтарының көне музыкалық аспаптарын пайдалануымен және әннің түпнұсқа тілінде орындалуымен ерекшеленген.

Бейнероликте екі мемлекеттің айрықша табиғаты мен көне салт-дәстүрлері көрсетілді.

Композицияның негізгі идеясы - халықтар арасындағы өзара байланысты орнату және қолдау көрсету.


Біздің каналымызға жазылыңыз:

Бөлісіңіз:
Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT