19:44, 01 Шілде 2020 | GMT +6
Қазақ-Қытай шекараларында автомобиль өткізу пунктері қайта ашылды
НҰР-СҰЛТАН. ҚазАқпарат – Қытаймен шекарадағы автомобиль өткізу пункттерін уақытша жабу туралы Қазақстан Үкіметінің Қаулысына өзгеріс енгізілді, деп хабарлайды ҚазАқпарат primeminister.kz сайтына сілтеме жасап.
Үкіметтің 2020 жылғы 1 шілдедегі №417 Қаулысын толық ұсынамыз
* * *
«Қазақстан Республикасы Мемлекеттік шекарасының кейбір учаскелеріндегі автомобиль өткізу пункттерін уақытша жабу туралы» Қазақстан Республикасы Үкіметінің 2020 жылғы 30 наурыздағы №155 қаулысына өзгеріс енгізу туралы
Қазақстан Республикасының Үкіметі ҚАУЛЫ ЕТЕДІ:
- «Қазақстан Республикасы Мемлекеттік шекарасының кейбір учаскелеріндегі автомобиль өткізу пункттерін уақытша жабу туралы» Қазақстан Республикасы Үкіметінің 2020 жылғы 30 наурыздағы №155 қаулысына мынадай өзгеріс енгізілсін:
1-1-тармақ алып тасталсын.
- Қазақстан Республикасы Сыртқы істер министрлігі белгіленген тәртіппен Қытай Халық Республикасына дипломатиялық арналар арқылы хабарласын.
- Осы қаулы қол қойылған күнінен бастап қолданысқа енгізіледі және ресми жариялануға тиіс.
Қазақстан Республикасының
Премьер-Министрі А. Мамин