+7 (701) 759 90 19
USD 428.71 EUR 519.12
RUB 5.79 CNY 66.61
Jańalyqtar

Қазақ балуаны Қажымұқанның 150 жылдығына арнап түйе көтерді

2021 жылғы 11 сәуір 16:35
Бөлісіңіз:
Қазақ балуаны Қажымұқанның 150 жылдығына арнап түйе көтерді

НҰР-СҰЛТАН. ҚазАқпарат – Белгілі атлет, түрлі экстрималды жаттығулар бойынша әлем рекордын жаңартқан қазақ балуаны Темір Сыпатаев Қажымұқанның 150 жылдық мерейтойына арнап тағы бір рекорд жасады, деп хабарлайды ҚазАқпарат тілшісі.

«Қазақтың даңқты палуаны, күш атасы – Қажымұқан атамыздың 150 жылдығына осы рекордымды арнаймын, Aлла разы болсын баршаларыңызға», - деп жазды балуан Instagram-дағы парақшасында.

Ұсынылған видеодан балуанның түйені көтерген бойы 30 қадамдай жүріп өткенін көруге болады.



Темір Сыпатаев осыған дейін K-700, КамАЗ, пойыз сияқты ауыр техникаларды сүйреп, өгіз көтеріп жұртты таңғалдырған болатын.

Айта кетейік, тағы бір отандасымыз таға июден Қазақстан рекордын жаңартып, ол әрекетін Қажымұқанның мерейтойына арнады.

Еске салсақ, биылғы 3 ақпаннан бастап Қажымұқанның 150 жылдығына орай республикалық видеочеллендж бастау алған болатын. Темір Сыпатаевтың рекорды сол челенджді жаңа деңгейге шығарып отыр.

Ресми құжаттарға сүйенсек, 7 сәуір күні қазақтың әйгілі балуаны Қажымұқан Мұңайтпасұлының туғанына 150 жыл толды.

Қажымұқан Мұңайтпасұлының 150 жылдығының ашылу рәсімі 10 ақпан күні Қ.Мұңайтпасұлы атындағы олимпиада резервінің мамандандырылған республикалық мектеп-интернат-колледжінде Мəдениет жəне спорт министрі Ақтоты Райымқұлованың қатысуымен өтті.

Былтыр күзде Ордабасы ауданында Қажымұқан Мұңайтпасұлы атындағы спорт кешені салынатыны хабарланған еді.

Ал Түркістан Түркістан облысының әкімі Өмірзақ Шөкеев балуанның мемориалдық кешені биыл салына бастайтынын айтты.


Біздің каналымызға жазылыңыз:

Бөлісіңіз:

Автор:

Есімжан Нақтыбай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT