Қазақ-араб бірлескен энергетикалық холдингі құрылады

None
None
НҰР-СҰЛТАН. ҚазАқпарат – Қазақ-араб бірлескен энергетикалық холдингі құрылады. Холдинг құрылымы жайында «Самұрық-Қазына» АҚ Басқарма мүшесі, инвестициялар, жекешелендіру және халықаралық ынтымақтастық жөніндегі Басқарушы директор Ернар Жанәділ айтып берді, деп хабарлайды ҚазАқпарат тілшісі.

Орталық коммуникациялар қызметіндегі баспасөз мәслихаты барысында БАҚ өкілдері Араб әмірліктерімен бірге құрылатын Энергетикалық холдингтің құрылымы қандай болатындығын сұраған еді.

«Энергетикалық холдингті «Астана» халықаралық қаржы орталығының негізінде құруды көздеп отырмыз. Бұл құрылымның аясында екі субхолдинг пайда болады. Оның бірі қазір қолданыстағы электр-энергетика нысандарын жаңарту жобаларына инвестиция құяды. Ал екіншісі жаңартылатын энергия көздері саласындағы жаңа жобаларды жүзеге асыруға қатысты іс-шаралармен айналысады. Энергетикалық холдингті арнаулы комитет басқарады. Оның құрамына қазақстандық және араб компанияиялары мен қорларының өкілдері кіреді әрі басқарумен айналысады», - деді Ернар Жанәділ.


Соңғы жаңалықтар