Қайырбек Өскенбаев: Баспана бағасы түпкілікті тұрақтанады

«Біз апта сайын жылжымайтын мүлік бағасын бақылап отырамыз. Жаңа бағдарлама енгізілгеннен кейін тұрғын үй бағасы көтеріле бастады. Бастапқы нарықтағы тұрғын үй құны қаңтарда 3 пайызға, қайталама нарықтағы тұрғын үй 17 пайызға қымбаттады. Наурызда бағаның өсуі тоқтады. Біріншісі 0,5 пайызға, ал екіншісі екі пайызға қымбаттады. Сәуір мен мамыр айларында өсім тоқтайды, ал маусым мен шілдеде бағалар тұрақтанады деп ойлаймыз», - деді вице-министр.

Дегенмен, «Отбасы банк» АҚ басқарма төрағасы бағаларға жүргізілген талдау әлем бойынша құрылыста пайдаланылатын шикізат пен материалдар бағасының өскенін көрсетті деп отыр.

«Жылжымайтын мүліктің өзіндік бағасында еңбек ресурстарының құны өте үлкен үлеске ие. Қазақстандағы орташа жалақы статистикасына қарасақ, 2020 жылдың төртінші тоқсанының қорытындысы бойынша 233 136 теңге болды. Бүгін ресми статистика шықты. Бірінші тоқсанның қорытындысы бойынша номиналды орташа жалақы шамамен 11 пайызға өсті. Тиісінше, краншылардың, монолит құятын қызметкерлердің, әрлеушілердің еңбегі жылжымайтын мүліктің бастапқы нарығына әсер етеді. Біз өз тарапымыздан талдау жүргізіп, жылдың екінші жартысында, бұған дейін болжағанымыздай, мамырдың соңы мен маусымның басынан бастап баға нарығы тұрақтанады деп ойлаймыз», - деді банк төрайымы.

Еске салсақ, «Отбасы банкі» өкілі «Елорда жастары» бағдарламасына қай мамандық иелері қатыса алатынын мәлім еткен болатын.

Бұған дейін хабарлағанымыздай, мамыр айында «Шаңырақ» бағдарламасы бойынша берілетін 8000 пәтер Baspana.kz сайтына шығарылады.