+7 (701) 759 90 19
USD 397.56 EUR 445.94
RUB 5.82 CNY 55.96
Jańalyqtar

Қайрат Мәми Алжир Конституциялық кеңесінің төрағасымен кездесті

2020 жылғы 25 ақпан 14:25
Бөлісіңіз:
Қайрат Мәми Алжир Конституциялық кеңесінің төрағасымен кездесті

АЛЖИР. ҚазАқпарат - Қайрат Мәми Алжир Конституциялық Кеңесінің төрағасымен кездесті, деп хабарлайды ҚазАқпарат ҚР Конституция Кеңесінің баспасөз қызметіне сілтеме жасап.

Бұған дейін хабарланғандай , Алжир астанасында Алжир Халық Демократиялық Республикасы Конституциялық Кеңесінің 30 жылдық мерейтойына арналған ресми іс-шаралар өтуде.

Осы іс-шара аясында «Әлеуметтік бейбітшілікті қамтамасыз етуге конституциялық сот төрелігінің үлесі» тақырыбында дөңгелек үстел өтті.

Бағдарламаға сәйкес, Конституциялық Кеңес Төрағасы Қайрат Мәми «Қоғамдағы әлеуметтік бейбітшілікті қамтамасыз етудегі Конституциялық бақылау органдарының рөлі» тақырыбында баяндама жасады.

Ол қоғамдағы бейбітшілік аса маңызды конституциялық құндылық екенін атап өтті.

«XXI ғасырда социумның мұндай жағдайына қол жеткізу ерекше өзекті. Әлеуметтік бейбітшілік кепілдігін бірінші кезекте Конституциядан іздеу керек. Конституциялық әділет органдарының қызметі азаматтық бейбітшілікті бұзудың ықтимал себептері болып табылатын заңдағы және оны қолдану тәжірибесіндегі қайшылықтар мен олқылықтарды анықтау және оларды жою жолдарын көрсетумен байланысты. Конституционализмді нығайту және құқық үстемдігі қағидаттарын күшейту мемлекеттердің бейбітшілік, келісім және үдемелі дамуының кепілі болып табылады», - деді спикер.

Сонымен қатар, Қазақстан Конституциялық Кеңесінің төрағасы өзінің алжирлік әріптесі Камел Фениш мырзамен кездесу өткізді, соның барысында екі органның конституциялық заңдылықты қамтамасыз етудегі ынтымақтастығы мәселелері талқыланды.

Қорытындылай келе Қ. Мәми оны 27-28 тамызда өтетін Қазақстан Республикасы Конституциясының 25 жылдығына арналған іс-шараларға қатысуға шақырды.


Біздің каналымызға жазылыңыз:

Бөлісіңіз:
Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT