15:53, 09 Сәуір 2019 | GMT +6
Қасым-Жомарт Тоқаев сайлауға түсе ме - Президенттің баспасөз хатшысының жауабы
НҰР-СҰЛТАН. ҚазАқпарат - Мемлекет басшысының баспасөз хатшысы Берік Құрманғали ҚР Президенті Қасым-Жомарт Тоқаевтың алдағы кезектен тыс президент сайлауына түсуіне қатысты пікір білдірді.
«Қазақстан Республикасындағы сайлау туралы» Конституциялық заңына сәйкес, Президенттікке үміткерлерді ұсыну құқығы республикалық қоғамдық бірлестіктерге, соның ішінде саяси партияларға тиесілі. Осыған байланысты, Президент сайлауына кандидат ретінде қатысу туралы шешімді республикалық қоғамдық бірлестік (саяси партия) жоғары органы (съезд) қабылдайды», - деді Берік Құрманғали ҚазАқпарат тілшісіне.
Бұдан бұрын Мемлекет басшысы Қасым-Жомарт Тоқаев Қазақстан халқына үндеу жолдап, кезектен тыс Қазақстан Президенті сайлауы 2019 жылдың 9 маусымында өтетінін жариялаған еді.