14:19, 19 Мамыр 2022 | GMT +6
Каспий жағалауынан тағы да итбалықтардың өлексесі табылды
АҚТАУ. ҚазАқпарат – Итбалықтардың қырылу себептері анықталып жатыр, деп хабарлайды ҚазАқпарат тілшісі.
Итбалықтардың екі өлексесін Түпқараған ауданы Форт-Шевченко қаласының жағалауында жергілікті тұрғын тауып алған. Аудан әкімдігі хабарлағандай, қазіргі уақытта өлі итбалықтарды жинау және кәдеге жарату жұмыстары жүріп жатыр.
Бұған дейін Каспий теңізінің Маңғыстау бөлігінен 94 итбалықтың өлексесі табылғаны хабарланған болатын.
Кейіннен тағы 64 итбалықтың өлексесі мен бес бекіре тұқымдас балық табылған еді.