Қаржылық мониторинг агенттігі рейдерлік әрекет бойынша тексеру жүргізіп жатыр
«БАҚ өкілдерінен түскен сұрауларға Қаржы мониторингі агенттігі 2022 жылдың 17 маусымында Алматы қаласы прокуратурасынан Алматы қаласы бойынша Экономикалық тергеу департаментіне Н.Какеновтен «KARUAN» ЖШС-нің рейдерлік жолмен алынғаны туралы хабарлама түскенін хабарлайды. Өтініште көрсетілген дәлелдер тексеруге жатады, оның нәтижелеріне құқықтық баға беріледі.Басқа ақпарат жариялауға жатпайды»,-делінген хабарламада.
Айта кетейік, осыған дейін кейбір бұқаралық ақпарат құралдарында Алматы қаласының экономикалық тергеу департаменті Болат Назарбаев пен оның бұрынғы әйелі Майра Құрманғалиеваға қатысты «рейдерлік» әрекет бойынша қылмыстық істі тіркегенін жазды. Оған Нұрша Кәкенов атты азаматтың шағымы себеп болған. Ол кезінде «Karuan» ЖШС-ның құрылтайшыларының бірі болғанын кейін оның үлесін тартып алғанын айтқан. Өзінің шығынын шағымданушы 150 млн долларға бағалап отыр.