+7 (701) 759 90 19
USD 419.54 EUR 509.2
RUB 5.72 CNY 64.81
Jańalyqtar

Қарақат Башанова Junior Eurovision байқауының финалында ән шырқады

2020 жылғы 29 қараша 22:29
Бөлісіңіз:
Қарақат Башанова Junior Eurovision байқауының финалында ән шырқады

НҰР-СҰЛТАН. ҚазАқпарат – Junior Eurovision XVIII ән байқауы басталды. Қазақстан намысын 12 жасар әнші Қарақат Башанова қорғап жатыр. Ол осы байқауда өзінің әкесіне арнаған «Forever» әнін шырқады, деп хабарлайды ҚазАқпарат тілшісі.

Junior Eurovision байқауының ашылу салтанатында өткен жылы жеңімпаз атанған поляк әншісі Вики Габор әр елдің өнер көрсететін реттік нөмірін анықтады. Нәтижесінде, Қарақат «Forever» әнін екінші болып, яғни германиялық қатысушының қойылымынан кейін орындайтыны белгілі болды. Барлығы виртуалды сахнада 12 қатысушы бақ сынайтын болады.

Жарыстың ережесі бойынша, жеңімпаз әділ қазылар алқасы мүшелерінің дауыс беруі және 2 кезеңде өтетін онлайн дауыс беру арқылы анықталады.

Қазақстандықтар Қарақатқа ғана емес, сондай-ақ басқа елдердің қатысушыларына да дауыс берудің бірегей мүмкіндігіне ие. Көрермендердің дауыс беруі junioreurovision.tv сайтында өтеді.

Дауыс беру 28-ші қарашадан 29-шы қараша аралығында конкурстың финалы басталғанға дейін жалғасты. Финал аяқталғаннан кейін, көрермендердің өздерінің сүйікті әншілері үшін дауыс беруі үшін тағы 15 минут уақыт берілді.

8 қазан күні Junior Eurovision байқауының ресми сайтында Қарақат Башанованың «Forever» атты әніне түсірілген бейнебаяны жарияланды. Жобаның авторы - белгілі қазақстандық сценарист және режиссер Мәлік Зенгер. Тарихи өзгешеліктерді ескере отырып, киімдерді егжей-тегжейлі ойластырумен танымал стилист Анарбек Жәрдемов бастаған «Қазақфильм» АҚ мамандары айналысты. Түсірілім Алматы қаласында өтті.

2020 жылғы Junior Eurovision байқауына Беларусь, Франция, Грузия, Қазақстан, Мальта, Нидерланды, Ресей, Сербия, Испания, Украина, Польша және Германия елдерінің өкілдері қатысып жатыр.


Фото/ Junioreurovisionofficial



Біздің каналымызға жазылыңыз:

Бөлісіңіз:

Автор:

Руслан Ғаббасов

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059

MURAǴAT