+7 (701) 759 90 19
USD 427.15 EUR 519.12
RUB 5.96 CNY 66.84
Jańalyqtar

Қарағандылық жеті күндік жаяу марафонға аттанды

2021 жылғы 19 мамыр 01:27
Бөлісіңіз:
Қарағандылық жеті күндік жаяу марафонға аттанды

ҚАРАҒАНДЫ. ҚазАқпарат – Қарағандыда «Жаяу» танымдық туризм жобасы басталды. Оның жетекшісі Асхат Қажытай жеті күнде 333 шақырымды жаяу жүріп өтуді жоспарлап отыр, деп хабарлайды ҚазАқпарат тілшісі.

Жол бойында ол көрікті жерлер мен жергілікті салт-дәстүрді видеоға түсіріп отырады. Саяхатшы бүкіл бейнені әлеуметтік желіде таратады.

«Жобаның бес бағыты бар. Біріншісі – Қарағанды-Қызыларай. Бұл сапар 24 мамырда Ақсораң тауына шығып, ту орнатумен аяқталады. Келесі бағыт – Қарағанды-Ұлытау және т. б. Жаяу марафон күзде Түркістанда аяқталады. Менің жобамның негізгі мақсаты – біздің жеріміздің тарихи және мәдени құндылығын көрсету. Сапар барысында кездесетін әр ауылдың өткені мен бүгіні туралы айтып, қызықты адамдардың портретін жасағым келеді. Соңғы уақытта танымал болып келе жатқан эко және этнотуризмге баса назар аударамын. Бір күнде 56–60 шақырымнан өтіп, жеті күнде Қызыларайға жетемін деп ойлаймын», – дейді Асхат Қажытай.

Туристік жоба Қазақстан Тәуелсіздігінің 30 жылдығына арналған.

«Бірінші кезекте бұл бастама бұқаралық спортты насихаттауға ықпал ететін болады. Екіншіден, бұл тұрғындарды туған өлкенің тарихи орындары мен жеке тұлғаларымен таныстырудың бірегей тәсілі», – деп санайды Saryarqa aqparat медиахолдингінің директоры Қамбар Ахметов.


Біздің каналымызға жазылыңыз:

Бөлісіңіз:

Автор:

Агата Мухамеджанова

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Жанат Қапалбаева
Жанат Қапалбаева
954-059

MURAǴAT