23:18, 26 Наурыз 2020 | GMT +6

Қарағандыда әскери қызметшілер аумақтар мен ғимараттарды дезинфекциялауға көмектесуде

ҚАРАҒАНДЫ. ҚазАқпарат – Қарағандыда әскери қызметшілер аумақты, ғимараттар мен нысандарды дезинфекциялайды. ҚР Қорғаныс министрлігі қала билігіне көмек ретінде радиациялық, химиялық және биологиялық қорғаныс бөлімшелерінің сарбаздарын жіберді, деп хабарлайды ҚазАқпарат тілшісі.

Дезинфекциялау жұмыстарын әскери қызметшілер 26 наурызда бастады. Бүгін теміржол және автовокзалдарды арнайы өңдеу жүргізілді.

Облыстағы эпидемиологиялық жағдай тұрақты. Коронавирустық инфекцияның жаңа жағдайлары тіркелген жоқ. Екі пациент емдеу курсын алуды жалғастыруда.

Тәулік бойы бақылау жасайтын карантинде 314 адам бар. Бұл 1А санатындағы елдерден оралған немесе шартты түрде жұқтырған адамдармен байланыста болған азаматтар. Тағы 152 адам үй жағдайында карантиннен өтуде.

Облыста 9000-нан астам нысанда санитарлық-дезинфекциялық режим күшейтілді. Міндетті қауіпсіздік шараларының орындалуы қадағаланады. Тәртіп бұзушылықтар нысандардың қызметін тоқтатуға дейін қатаң жаза қолдану арқылы жойылуда.

Тәртіп бұзушыларға қатысты полицейлер сотқа 45 әкімшілік іс тапсырды. 12 дерек бойынша кінәлілер айыппұл төлейді. 5-і әкімшілік қамауға алынды. Қалған 28 іс алдағы күндері қаралатын болады.

Тегтер:

Қазақстан әскері Әскер Әкімдік Қарағанды облысы ҚР Қорғаныс министрлігі Медицина Коронавирус

Соңғы жаңалықтар

Одан да көп жаңалықтар біздің Телеграм-арнамызда!