Қарағанды облысының супермаркеттері сөрелер мен азық-түлік себеттерін дезинфекциялауда

«Біз супермаркеттердің ірі желілерінің иелерімен әңгімелесу өткіздік. Облыс бойынша барлығы 919 қолға себілетін санитайзерлер орнатылды. Барлық себеттер, арбалар, тауар сөрелері күніне бірнеше рет дезинфекциялық ерітінділермен өңделеді», - деді ол.

Қарағанды облысында барлығы 473 нысан жабылды. 12 кинотеатр, сауда, ойын-сауық кешені жанындағы 44 балалар ойын алаңы, 167 мектептен тыс қосымша білім беру ұйымы және басқа да ойын-сауық орындары жұмыс істемейді.

Санитарлық режим 1971 нысанда күшейтілген.

Шіркеулерде, мешіттерде, синагогаларда келушілердің санын уақытша шектеу ұсынылған. Саниталық дәрігерлер жамағатқа намаздар мен шоқыну рәсімдерін үйлерінде өткізуге кеңес береді.
Тауарлар мен көрсетілетін қызметтердің сапасын бақылау департаментінің мамандары Қарағанды облысындағы 17 автопаркті бақылайды. Барлық жолаушылар автобустарын рейс басталар алдында және аяқталғаннан кейін дезинфекциялау құралдарымен өңдейді.
Дезинфекциялық құралдарды қолдана отырып ылғалды жинау күніне екі рет вокзалдарда, автостанцияларда, ХҚО-да, қонақ үйлерде, дәріханаларда, дүкендерде және басқа да қоғамдық орындарда жүргізіледі.
Қарағанды әуежайына келгендердің барлығын дәрігерлер тексереді, содан кейін кез-келген елден ұшып келгендер карантинге жіберіледі.
Естеріңізге сала кетейік, бүгінгі күні Қарағанды облысында коронавирусты жұқтырудың бірде-бір оқиғасы тіркелген жоқ. Дегенмен, аймақ тұрғындарына мүмкіндігінше үйде қалуды, қолдарын және бетін сабынмен жиі жууды, антисептиктерді пайдалануды, адамдар көп жиналатын жерлерден аулақ болуды және дүкендерге отбасы мүшелерінің біреуін ғана жіберуді ұсынады.