+7 (701) 759 90 19
USD 411.54 EUR 458.13
RUB 5.84 CNY 57.64
Jańalyqtar

Қарағанды облысында карантин режимін сақтамаған кәсіпорындар сотқа тартылуы мүмкін

2020 жылғы 22 мамыр 16:23
Бөлісіңіз:
Қарағанды облысында карантин режимін сақтамаған кәсіпорындар сотқа тартылуы мүмкін

ҚАРАҒАНДЫ. ҚазАқпарат - Қарағанды облысындағы кәсіпорындарда санитарлық-эпидемиологиялық талаптардың сақталуына бақылауды күшейту жоспарлануда. Бұл туралы тікелей эфирде өткен брифингте Қарағанды облысының бас мемлекеттік санитарлық дәрігері Қанат Асқаров мәлім етті, деп хабарлайды ҚазАқпарат тілшісі.

Өңірімізде коронавирустық инфекциямен сырқаттанушылық деңгейін төмендету үшін облыс әкімі Жеңіс Қасымбектің басшылығымен өткен өңірлік штабтың отырысында облыс аумағында мобильді бригадаларды ұйымдастыру туралы шешім қабылданды. Оған жергілікті атқарушы және құқық қорғау органдарының қызметкерлері, сондай-ақ «Атамекен» кәсіпкерлер палатасының мүшелері кіреді. Бригада санитарлық шаралардың сақталуын бақылауға және бизнесмендермен түсіндіру жұмыстарын жүргізуге көмектесетін болады. Қойылатын талаптарды сақтамағаны үшін ҚР Әкімшілік Кодексінің 462 бабы, 3 бөлімі бойынша кәсіпкерлер сотқа берілуі мүмкін.

Қарағанды облысында соңғы аптада COVID-19 аурушаңдығының өсімі 43,3%-ды құрады. Аймақта карантиндік шараларды жеңілдеткенге дейін ол 7%-дан аспады. Осындай күрт серпілістің себебін Қанат Асқаров кейбір кәсіпкерлердің санитарлық-эпидемиологиялық талаптарға немқұрайлы қарауымен түсіндірді.

«Бас санитарлық дәрігердің қаулысымен қызметті қайта бастауға рұқсат етілген кәсіпорындар барлық талаптарды қатаң сақтауы қажет. Орындалмаған жағдайда проблемалар пайда болады, аурушаңдық өсуде, ол біздің облыстың шартты түрде «таза« аумағына таралады. Егер облыстың әрбір тұрғыны қарапайым санитарлық талаптарды сақтаса, біз жұқтыру қаупін төмендетеміз», - деді ол.

Мысал ретінде облыстың бас санитарлық дәрігері «Қазақмыс» АҚ тиесілі «Нұрқазған» кенішін келтірді. Кәсіпорында коронавирустық инфекцияның 133 жағдайы тіркелген. Кеніштің жұмыс істейтіндердің 41%-ы Теміртау қаласында тұрады - бұл 54 адам. Қарағандыда 48% немесе 65 адам тұрады, Бұқар жырау ауданында - 11% немесе 14 адам. Науқастармен қарым-қатынаста болған 1 515 адам анықталды, оның ішінде 244 жақын байланыста, 1 271 әлеуетті байланыста болған.

Қазір кеніштің жұмысы тоқтатылды. Ол 1 маусымға дейін жабылады. Байланыста болғандардың барлығынан ПТР талдаулар алынды. Нәтижелер кейінірек белгілі болады.

Кейбір қарағандылықтар қоғамдық көлікте санитарлық талаптардың сақталмауына наразы. Тауарлар мен қызметтердің сапасы мен қауіпсіздігін бақылау департаментінде егер автопарктер алдағы уақытта санитарлық дәрігердің талаптарына немқұрайлы қарайтын болса, кейбір рейстер тоқтатылуы мүмкін екенін хабарлады.

«Қоғамдық көлік қозғалысын қалпына келтірмес бұрын біз автопарктер басшыларымен кездестік. Оларға барлық алгоритмдерді және санитарлық-эпидемиологиялық талаптарды түсіндірдік. Өкінішке орай, талаптар орындалған жоқ, адамдар маскаларсыз жүреді, рейстерден соң салондар өңделмейді, жолаушылар арасындағы қашықтық сақталмауда. Қазір автопарктер автобустардың салондарын қайта өңдеуге кіріскенін көріп отырмыз. Барлық дезқұралдар мен антисептиктер бар, маскалық режимді сақтайды, маршруттардың толымдылығы да қадағалануда. Бірақ адамдар автобусқа кіргенде, өз денсаулығы туралы бірінші кезекте өзі ойлауы керектігін түсінуі тиіс», - деп түсіндірді Қанат Асқаров.

Қарағанды облысында балабақшалар, ерте даму орталықтары, кафелер мен мейрамханалар мамыр айының соңына дейін жабық болады. Биыл балалардың жазғы сауықтыру лагерлері жұмыс істемейді.

Балқаш, Қарқаралы және Топар демалыс аймағының жұмысы қашан қайта жандандырылатыны маусым айының басында белгілі болады.


Біздің каналымызға жазылыңыз:

Бөлісіңіз:

Автор:

Агата Мухамеджанова

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT