+7 (701) 759 90 19
USD 433.15 EUR 515.06
RUB 5.61 CNY 66.06
Jańalyqtar

Қарағанды облысында 174 елді мекенді көктемде су басуы мүмкін

2021 жылғы 21 ақпан 15:16
Бөлісіңіз:
Қарағанды облысында 174 елді мекенді көктемде су басуы мүмкін

ҚАРАҒАНДЫ. ҚазАқпарат – Қарағанды облысының су тасқыны қаупі бар учаскелеріне әуеден бақылау жүргізіліп жатыр. Ағымдағы жағдайды бағалау мақсатында Қарағанды облысы ТЖД бастығының орынбасары Ақылбек Ахметжанов Қарағанды, Теміртау қалалары мен Бұқар жырау ауданының су тасқыны қаупі бар учаскелеріне әуеден тексеру жүргізді, деп хабарлайды ҚазАқпарат тілшісі.

Ұқсас жаңалықтар
Нұр-Сұлтан - Теміртау трассасын басқан судың деңгейі төмендеді Су тасқынынан Ақтөбеде тұрғындар эвакуацияланды Елордада күн сайын 30 мың текше метрге жуық су сорылады

Ұшу барысында Самарқанд және Федоров су қоймаларына, Соқыр өзенінің арнасына, Чкалово, Салонички, Рабочий, Ғ.Мұстафин атындағы елді мекендердің қорғаныс біліктерінің жай-күйіне аэровизуалды тексеру жүргізілді.

Ұшу қорытындысы бойынша белсенді балқу процестері байқалмағаны, өзен арналарында тұрақты мұз қату байқалатыны анықталды.

Қарағанды облысының аумағында су тасқыны қаупі бар 174 елді мекен ерекше бақылауға алынды.


Өткен 2020 жылы Қарағанды облысының 33 елді мекені аумағында 22 км-ден астам қорғау бөгеттері мен дуалдары тұрғызылды және нығайтылды, өзен арналарының су тасқыны қаупі бар учаскелерін 12 км тереңдету, жағалауды нығайту, тазалау және кеңейту жүргізілді.

9 км су бұру арналарын салынды және жөнделді, 65,5 км дренаж және су бұру жүйелері тазартылды, 74 учаскедегі су өткізу қабілеті жоғарылатылды.


2015-2020 жылдар аралығында облыста барлығы 220 км қорғаныс бөгендері мен біліктері тұрғызылып, нығайтылды, 173 елді мекенде 76 км өзен жағалауларын нығайту, түбін тереңдету, түзету және кеңейту орындалды.

«Бүгінгі күні облыстың барлық өңірлерінде қар шығару, материалдық-техникалық құралдар қорын құру, тасқын қаупі бар елді мекендер мен автомобиль және темір жол учаскелерінің дайындығын тексеру бойынша белсенді жұмыс жүргізілуде. Облыста су тасқыны қаупі және туындауы кезінде басқару органдарының іс-қимыл алгоритмі әзірленді. Халық үшін ТЖ қаупі және туындауы кезіндегі іс-қимылдар бойынша арнайы ұсынымдар әзірленді. Су тасқынына дайындық мәселесі күнделікті бақылауда», - деп хабарлады Қарағанды облысының ТЖД баспасөз қызметі.


Біздің каналымызға жазылыңыз:

Бөлісіңіз:

Автор:

Агата Мухамеджанова

Ұқсас жаңалықтар
Пікір қалдыру
+7
Жіберу
ONLAIN QYZMETKERLER
REDAKTOR
Гүлмира Алякпарова
Гүлмира Алякпарова
954-059
REDAKTOR
Ербол Жанат
Ербол Жанат
954-059
REDAKTOR
Жарылқасын Саягүл
Жарылқасын Саягүл
954-059

MURAǴAT