Қар, күшті жел, боран - жұма күнгі ауа райы

None
None
НҰР-СҰЛТАН. ҚазАқпарат – Сенбі күні еліміздің көп бөлігінде қатты жел соғып, қалың қар жауады, кей өңірлерде боран соғады, деп хабарлайды ҚазАқпарат Қазгидрометке сілтеме жасап.

«7 желтоқсанда Қазақстан аумағының басым бөлігінде Атлантикалық циклонның әсерінен құбылмалы ауа райы сақталады, жауын-шашын, шығыстың кей жерлерінде қатты жауын-шашын түседі, көбінесе қалың қар жауады.

Тек республиканың батыс, оңтүстік-батыс, оңтүстік және оңтүстік-шығысында антициклон ықпалында болғандықтан күн райы ашық болады. Республиканың кей жерлерінде – тұман түсіп, көктайғақ болады, жаяу бұрқасын, күшті жел соғады. Еліміздің солтүстігі мен шығысында өте қатты жел соғады, екпіні 30 м/с және одан асып кетуі мүмкін», делінген хабарламада.

Ақмола, Солтүстік Қазақстан, Шығыс Қазақстан, Павлодар облыстарында жел 15-20, кей жерлерінде 23-28 м/с жетеді, екпіні 30 м/с және одан асып кетуі мүмкін. Кей жерлерде тұман, көктайғақ, жаяу бұрқасын күтіледі. Қостанай облысында жел 15-20, екпіні 23 м/с болжанады, кей жерлерінде көктайғақ, тұмантүсуі ықтимал.

Қарағанды, Ақтөбе облыстарының кей жерлерінде тұман, коктайғақ, жаяу бұрқасын күтіледі, жел 15-20, екпіні 23-28 м/с күшейеді.

Қызылорда облысының кей жерлерінде тұман, көктайғақ күтіледі, жел 15-20 м/с күшейеді. Жамбыл, Түркістан, Атырау, Маңғыстау облыстарының кей жерлерінде тұман күтіледі.

Алматы облысының түнде кей жерлерінде тұман, көктайғақ болады, күндіз Жалаңашкөл ауданында жел 15-20 м/с күшейеді.

Соңғы жаңалықтар