Қаңтар оқиғасында ұсталғандарды азаптады деген күдікпен 2 полицей тергеліп жатыр

None
None
НҰР-СҰЛТАН. ҚазАқпарат – Бұл туралы ҚР Ішкі істер министрінің бірінші орынбасары Марат Қожаев айтты, деп хабарлайды ҚазАқпарат.

«Бұл арыздардың бәрі объективті түрде қарау үшін басқа да түрлі органдарға жіберілген. Кейбір арыздарды арнайы прокуратура, кей арыздарды – Сыбайлас жемқорлыққа қарсы іс-қимыл агенттігі тексеріп жатыр. Бүгінгі күні біздің қызметкерлерден екі адам жауапқа тартылып жатыр. Оның бірі - Алматы облысында, екіншісі – Алматы әуежайының полиция бөлімінің басшысы тергеу органдарында жауап беріп жатыр. Тергеу-тексеру жұмыстары әлі де жүріп жатыр, арыздардың бәрі тексерілу үстінде. Қанша адам жауапқа тартылатыны, қандай нәтиже болатыны әлі белгісіз», - деді Марат Қожаев Мәжілісте тілшілерге берген жауабында.

Айта кетейік, Президент Қасым-Жомарт Тоқаев өз Жолдауында азаптаумен байланысты қылмыстарды Бас прокуратураға жүктеуді ұсынған еді.


Соңғы жаңалықтар