+7 (701) 759 90 19
USD 385.01 EUR 425.78
RUB 6.05 CNY 54.68
Jańalyqtar

Қанат Ислам Алматыда ашық жаттығу өткізді

2019 жылғы 17 қазан 01:12
Бөлісіңіз:
Қанат Ислам Алматыда ашық жаттығу өткізді

АЛМАТЫ. ҚазАқпарат – Қазақстандық кәсіпқой боксшы Қанат Ислам WBO чемпионы Деметриус Андрадемен жекпе-жек өткізуді жоспарлауда, деп хабарлайды ҚазАқпарат.

Ұқсас жаңалықтар
Қанат Исламмен қатар өнер көрсеткен қазақ боксшыларының рейтингі жоғарылады Қанат Ислам қолы сынғанына қарамастан соңына дейін жұдырықтасты - Qazaq promotions Қанат Ислам – Уолтер Каутондоква айқасын қайдан көруге болады

Қ.Ислам алдағы айқасы алдында Алматыда ашық жаттығу өткізді.

«Өзімді жақсы сезінемін. Өз Отанымда кезекті рет өнер көрсететініме бақыттымын. Жанкүйерлерімді көргеніме қуаныштымын. Олардың қолдауы мен үшін маңызды. Жекпе-жекке толығымен дайынмын. Қарсыласым жақын уақытта келеді. Иә, ол мықты боксшы. Бірақ мен көңілімді бірінші кезекте өзіме бөлемін. Не боларын көреміз», - деді ол.


Боксшы сондай-ақ алдағы жоспарлары туралы айтты.

«Бірқатар елден көптеген ұсыныстар түсіп жатыр. Қазір оларды қарастырудамыз. Қазақстанда екі айқас өткізуді шештік. Бұл, дене даярлығымды қалыпты формаға келтіруге септігін тигізеді. Осыдан кейін үлкен қарсыластарға дайын боламын. Андрадемен жекпе-жек өткізгім келе ме? Неліктен болмасқа?! Бұл – менің мақсатым және мен соған қарай жылжып келемін», - деп қосты спортшы.


Айта кетейік, бұған дейін Қанат Ислам Уолтер Каутондоквамен жекпе-жекке арналған баспасөз мәслихатында Геннадий Головкинді жеңген мексикалық Сауль Альвареспен айқасқа дайын екендігін мәлімдеген болатын.

Ашық аспан астындағы жаттығуға Қ.Исламмен бірге Алматыдағы кештің андеркардында шығатын Руслан Мырсатаев, Арман Рысбек, Асқар Ерубек және Бексұлтан Раушанов қатысты.

Шараға боксүйер қауымның қарасы көп жиналды. Олар спортшылармен суретке түсіп, қолтаңбаларын алды.

Еске салайық, 26 қазан күні Алматыдағы Б.Шолақ атындағы спорт және мәдениет сарайында кәсіпқой бокс кеші өтеді. Оның басты айқасында Қанат Ислам (26-0, 21 KO) америкалық Уолтер Каутондоквамен (18-1, 17 КО) кездеседі. Олар қазіргі уақытта қазақстандық боксшыға тиесілі бірінші орта салмақтағы WBO International титулын сарапқа салады.

Бүгінгі күні Уолтер Каутондоква WBO нұсқасы бойынша ТОП-10 боксшының арасында 9-орынға орналасқан.

Кеш барысында Қазақстан, АҚШ, Қытай және Еуропа өкілдерінің қатысуымен барлығы 9 айқас өткізіледі. QP TV тұңғыш қазақстандық стримингтік платформасы әлемнің 150 еліне тікелей эфир тарататын болады.

Билеттердің сатылымы басталды.

Біздің каналымызға жазылыңыз:

Басты сөздер: Спорт, Бокс,
Бөлісіңіз:

Автор:

Мира Төлендіқызы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Жанибек Амангелди
Жанибек Амангелди
954-059

MURAǴAT