+7 (701) 759 90 19
USD 431.07 EUR 485.51
RUB 5.69 CNY 67.47
Jańalyqtar

Канададағы бокс кешінде үш қазақстандық рингке шығады

2018 жылғы 21 сәуір 02:54
Бөлісіңіз:
Канададағы бокс кешінде үш қазақстандық рингке шығады

АСТАНА. ҚазАқпарат - Шавиниганда (Канада) 16 маусымда үш қазақстандық қатысатын бокс шоуы өтеді, деп хабарлайды Sports.kz.

Атап айтқанда, рингке Абылайхан Хұсаинов (8-0, 5 КО), Нұрзат Сабиров (5-0, 5 КО) және Садриддин Ахмедов (1-0, 1 КО) шығады. Бірақ олардың қарсыластарының кім екендіктері әзірге жарияланған жоқ.

Алдында Хусаиновтың бокс кешінің бірінде өзге қазақстандық - Батыр Жүкембаевпен (12-0, 10 КО) 26 мамырда Квебекте (Канада) рингке шығуы күтілген еді. Бірақ таңдау маусымдағы жекпе-жекке ауысты.

Абылайхан өзінің соңғы айқасын 31 наурызда өткізді. Ол төрешілердің бірауыздан қабылдаған шешімімен мексикалық боксшы Хильберто Месуды (8-4-1, 5 КО) жеңді.

Сабиров 7 сәуірде чех Станислав Эшнермен (8-9-1, 5 КО) айқасқан. Алты раундтық жекпе-жек төртінші раундта Нұрзаттың жеңісімен аяқталды (техникалық нокаут).

Сол кеште Ахметов профи-рингте жасындай жарқылдап небәрі 31 секундта мексикалық Тони Тони Баррерасаны (1-2, 1 КО) сұлатып салды.

Біздің каналымызға жазылыңыз:

Бөлісіңіз:
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT