Италия премьер-министрі Джузеппе Конте отставкаға кетпек

None
None
РИМ. ҚазАқпарат – Италия үкіметінің басшысы Джузеппе Конте қызметінен кетуге ниетті екенін мәлімдеді, деп хабарлайды ҚазАқпарат ANSA агенттігіне сілтеме жасап.

Бақылаушылардың айтуынша, бұл күтпеген шешім емес.

Өйткені «5 жұлдыздың қозғалысы» және Демократиялық партия құрамындағы билеуші коалиция Парламенттің жоғарғы палатасынан (Сенатында) экс-премьер Маттео Ренцидің «Тірі Италия» партиясы шыққаннан кейін абсолютті көпшілікті жоғалтты.

Отставкаға кету ресми болуы мүмкін деп күтіліп отыр, өйткені Контенің жаңа мандат алуы ғажап емес.

Соның арқасында ол Парламентте кең қолдауға ие болатын кабинет құруға мүмкіндік алады. «Қозғалыс» та, Демпартия да Контеге қолдау білдірді, деп хабарлайды ТАСС.

Өткен аптада оның кабинеті Парламенттің екі палатасында да сенімге ие болды, бірақ Сенатта «Тірі Италия» сенаторлары қалыс қалса да, оған қарапайым көпшілік дауыс берді.

Одан әрі дауыс беруде Үкімет көпшіліктің қолдауын жоғалтуы мүмкін. «Лига», «Алға, Италия» және «Италия ағалары» партияларының құрамындағы правоцентристік оппозиция мерзімінен бұрын сайлауды талап етеді.

Қосымша дауыс беру және басқарушы коалицияны жаңарту туралы мәселе әлі де ашық қалып отыр, бұл мерзімінен бұрын дауыс беру сценарийін жоққа шығармайды.


Соңғы жаңалықтар