+7 (701) 759 90 19
USD 425.07 EUR 494.14
RUB 6.06 CNY 66.55
Jańalyqtar

Испания министрлігінің өкілі Қазақстанның өлім жазасын алып тастауына жоғары баға берді

2021 жылғы 14 мамыр 18:32
Бөлісіңіз:
Испания министрлігінің өкілі Қазақстанның өлім жазасын алып тастауына жоғары баға берді

НҰР-СҰЛТАН. ҚазАқпарат – Испания Корольдігі Сыртқы істер, Еуропалық одақ және ынтымақтастық министрлігінің мемлекеттік хатшысы Кристина Гайак Қазақстанның Өлім жазасының күшін жоюға бағытталған Азаматтық және саяси құқықтар туралы халықаралық пактіге қосылуын жоғары бағалады, деп хабарлайды ҚазАқпарат тілшісі.

«Бұл шешімнің маңыздылығын ерекше атап өткім келеді. Испания өлім жазасына қарсы халықаралық комиссияны қолдайтын ел ретінде Қазақстанның осынау батыл қадамын қолдайды. Мен өлім жазасын жоюды қолдайтын халықаралық топтардың талқылауларына, жұмыстарына қатыстым және Қазақстанның бұл қызметтегі маңызды рөліне куәгер де болған едім. Сонымен қатар аталған хаттаманы ратификациялау жолында маңызды әрі батыл қадам жасаған Қазақстан Президенті Қасым-Жомарт Тоқаевқаризашылығымды білдіріп, көшбасшылығын жоғары бағалағым келеді», - деді Кристина Гайак.

Естеріңізге сала кетсек, бүгін елордада Қазақстан Сыртқы істер министрлігі мен Испания Корольдігі Сыртқы істер, Еуропалық одақ және ынтымақтастық министрлігі арасында саяси консультациялардың 6-раунды өткен еді.

Айта кетейік, осы жылдың басында Мемлекет басшысы Қасым-Жомарт Тоқаев «Өлім жазасының күшін жоюға бағытталған Азаматтық және саяси құқықтар туралы халықаралық пактіге Екінші Факультативтік Хаттаманы ратификациялау туралы» Қазақстан Республикасының Заңына қол қойған болатын.



Біздің каналымызға жазылыңыз:

Бөлісіңіз:

Автор:

Марлан Жиембай

Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Жанат Қапалбаева
Жанат Қапалбаева
954-059

MURAǴAT