Исламда вакцинаға тыйым салынбайды - дінтанушы

None
None
АЛМАТЫ. ҚазАқпарат – Исламда вакцинаға тыйым салынбайды. Мұндай пікіріді Өңірлік коммуникациялар қызметінің брифингінде әл-Фараби атындағы ҚазҰУ аға оқытушысы, дінтану докторанты Елнар Берікбаев білдірді, деп хабарлайды ҚазАқпарат тілшісі.

Спикер шамамен 5 жыл бұрын Қазақстан мұсылмандары діни басқармасының ел мұсылмандарына этил спиртін қалай қолдану керектігін түсіндіргенін еске салды.

«Тыйым салынғанның бәрі зиян емес. Дәрі-дәрмектерде спирт өзінің ішімдік ретіндегі қасиеттерін жоғалтады, сондықтан дәріні қолдануға болады. Ал мұнда олар жүзімді мысалға келтіреді. Жүзім шырыны рұқсат етіледі, егер ол шарапқа айналса, қазірдің өзінде харам болып саналады. Бірақ біраз уақыттан кейін шарап сірке қышқылына айналады, яғни оны тұтынуға болады», - деп атап өтті Ернар Берікбаев.

Вакциналану мен дін туралы айта отырып, теолог антиваксерлер ойлап тапқан ең күлкілі фейктерді еске түсірді.

«Антиваксерлер адамның ауырып қалмауы Құдіретті Құдайдың еркіне байланысты деп есептейді. Ал екпе алу арқылы сіз оның еркіне кедергі жасайсыз. Бірақ тағдырға сену сізге бос отыруға және ештеңе істемеуге, бетперде тағуға болмайды дегенді білдірмейді. Демек, Исламда вакцинаға тыйым салынбайды», - деді ол.

Сонымен қатар, ол дін саласындағы сарапшы христиандық және мұсылмандық сенімнің негіздеріне сәйкес, қиямет күні тек Құдайдың қалауымен адам өзінің іс-әрекетіне ғана емес, сонымен бірге әрекет етпеуіне де жауап беретінін айтты.

«Алдымен түйені байла, сосын Аллаға сен» немесе «Құдайға сен, бірақ өзің қателеспе», - дейді алматылық ғалым.


Соңғы жаңалықтар