Иордания туризм саласын құтқару шараларын қолға алды
20 маусымда туристік сектор өкілдерімен өткен кездесуде Иордания Королі II Абдалла корольдіктің туристік саласын қалпына келтіру, оның бәсекеге қабілеттілігін арттыру, сондай-ақ Иордания туризмін жергілікті, өңірлік және халықаралық деңгейлерде ілгерілету қажеттілігі үшін мемлекеттік және жеке сектордың күш-жігерін біріктіруге шақырды.
Сондай-ақ ол шетелден туристер санын арттыру мақсатында арзан авиатасымалдаушыларды тартуға шақырды.
Сол күні Иордания үкіметінің отырысында туристік секторды қолдау бойынша бірқатар шара қабылданды.
Бүгінде Иорданияға бару үшін қазақстандықтарға ұшардан 72 сағат бұрын ПТР-тест тапсыру жеткілікті. Вакцинация сертификаты бар туристерге ПТР-тесті қайта тапсырудың қажеті жоқ.
Өткен аптада хабарланғандай, корольдік осы айдан бастап «Спутник V» вакцинасын алғандығы жөнінде сертификаты бар туристерді қабылдай бастады.