10:52, 20 Сәуір 2022 | GMT +6
Инфляция 8-10 пайыз аралығында болмақ
НҰР-СҰЛТАН. ҚазАқпарат – Инфляция 8-10% аралығында анықталды. Бұл туралы Мәжілістің жалпы отырысында республикалық бюджетті талқылау кезінде Ұлттық экономика министрінің міндетін атқарушы Тимур Жақсылықов мәлім етті, деп хабарлайды ҚазАқпарат тілшісі.
«Ұлттық банктің болжамы бойынша экспорт 72,2 млрд АҚШ долларына дейін өседі. Импорт 40,2 млрд АҚШ долларды құрайды. Инфляция 8-10% аралығында анықталды», - деді Т. Жақсылықов макроэкономикалық көрсеткіштер мен бюджеттік параметрлер болжамын таныстыру кезінде.
Оның айтуынша, құрылыста өсім бұрын мақұлданған деңгейде сақталады – 3,8%. Ақпарат пен байланыста ақпараттық қызметтерге сұраныстың төмендеуі салдарынан болжам 8,3%-дан 5%-ға дейін төмендетілді.
Бұдан бұрын хабарланғандай, 2022 жылға арналған макроэкономикалық көрсеткіштер мен бюджеттік параметрлер болжамын нақтылау енгізіліп отыр.