12:03, 15 Қаңтар 2021 | GMT +6
Индонезиядағы жер сілкінісі: 26 адам қаза тауып, 600-ден астамы зардап шекті
НҰР-СҰЛТАН. ҚазАқпарат – Индонезияда өткен тәулікте болған бірнеше жер сілкінісінен кем дегенде 26 адам қаза тапты. Бұл туралы ҚазАқпарат France-Presse (AFP) агенттігіне сілтеме жасап хабарлайды.
«Соңғы дерек бойынша, 26 адам қаза тапқан, олардың барлығы Мамуджу қаласының тұрғындары», - деді табиғи апаттар салдарын жою агенттігінің қызметкері. Сондай-ақ ол құрбандар санының әлі де өсуі мүмкін екенін жоққа шығармады.
Егер жаңа жерасты дүмпулері бұрын тіркелгендерден гөрі күштірек болған жағдайда цунамидің болу қаупі бар.
Мамуджу қаласындағы аурухана ғимаратының үйінділері астында 10-нан астам адам қалып қойған.