15:15, 05 Наурыз 2021 | GMT +6
Илон Маск АҚШ-тағы қор сауда-саттығының қорытындысы бойынша $6,2 млрд жоғалтты
НЬЮ-ЙОРК. ҚазАқпарат – Америкалық кәсіпкер Илон Маск активтерінің жиынтық құны бейсенбі күні АҚШ-тағы қор сауда-саттығының қорытындылары бойынша өзіне тиесілі Tesla компаниясының акциялары 5%-ға төмендегендіктен 6,2 млрд долларға азайды, деп хабарлайды ҚазАқпарат Forbes журналына сілтеме жасап.
Басылымның мәліметінше, кәсіпкердің жағдайы $150,9 млрд-қа дейін төмендеген, сауда сессиясының қорытындысы бойынша Tesla акциялары $32,25 (4,94%), $620 дейін арзандаған.
Forbes құраған әлемдегі ең бай адамдардың рейтингінде Маск үшінші орында. Бұл көрсеткіш америкалық Amazon корпорациясының басшысы (Джефф Безос ($175,4 млрд) және француздық LouisVuitton Moet Hennessy компаниялар тобының бас директоры Бернар Арноданнан ($155,6 млрд) төмен.
Bloomberg агенттігі Маск активтерінің жалпы құнын 160 миллиард доллардан астамға бағалайды. Агенттік құрған әлемдегі ең бай адамдардың тізімінде Маск екінші орында. Қазір одан тек Безос алда тұр.