19:55, 28 Наурыз 2017 | GMT +6
IBF экс-чемпионы Жақияновпен емес, Макдоннеллмен айқасады
АСТАНА. ҚазАқпарат - IBF нұсқасы бойынша жеңіл салмақтағы бұрынғы әлем чемпионы, британдық Пол Батлер (23-1, 12 КО) өзінің кезекті айқасын қазақстандық Жанат Жақияновпен (27-1, 18 КО) емес, отандасы Джейми Макдоннеллмен (29-2-1, 13 КО) өткізуі мүмкін, деп хабарлайды Sports.kz Boxingscene.com-ге сілтеме жасап.
«Менің естуім бойынша, біз Макдоннеллмен келісім жасауға шақ қалдық. Оларға келісімшарт жібердік, қол қояды деп үміттенеміз. Егер ол қол қойса, мен де оны жүз пайыз жасаймын!», - деп мәлімдеді Батлер.
Бұрын берген сұхбатында Пол Жақияновпен жұдырықтасуға дайын екендігін айтқан. Алайда Макдоннеллді жеңсе ғана, қазақстандық боксшыны рингке шақыратынын мәлімдеген.