+7 (701) 759 90 19
USD 425.3 EUR 501.05
RUB 5.85 CNY 65.88
Jańalyqtar

Хабар-ошарсыз жоғалған 61 жастағы көкшетаулықтың денесі табылды

2021 жылғы 9 шілде 17:25
Бөлісіңіз:
Хабар-ошарсыз жоғалған 61 жастағы көкшетаулықтың денесі табылды

КӨКШЕТАУ. ҚазАқпарат - Ақмола облысында хабар-ошарсыз кеткен 61 жастағы ер адамның денесі табылды, деп хабарлайды ҚазАқпарат тілшісі.

Ұқсас жаңалықтар
СҚО-да 35 жастағы ер адам екі айдан бері табылмай жатыр Қарағанды полицейлері 10 күн бұрын жоғалып кеткен кәсіпкердің көлігін ғана тапты

Облыстық полиция департаменті баспасөз қызметінің мәліметінше, биылғы маусымның 30-да Көкшетау қалалық полиция басқармасының кезекші бөліміне қала тұрғыны, 31 жастағы әйел хабарласып, 1960 жылы туған әкесі Болатбек Қорғанбекұлы Батталовты іздеп табуға көмек сұраған.

Ер адамды іздеу жұмысына Көкшетау қалалық ПБ жеке құрамынан 20 адам, Ақмола облыстық ТЖД жеке құрамынан 5 адам, 15 волонтер, 40 курсант және 8 техника жұмылдырылды.

Центральный, Васильковка шағынауданындағы пәтер иелерінен сұралып, бейнежазба камераларындағы жазбалар тексерілді.

«Іздестіру жұмысының нәтижесінде ер адамның денесі 9 шілде сағат 10:00 шамасында Көкшетау қаласынан әуежайға барар жолдағы орман алқабынан табылды. Қазіргі кезде сот-медициналық сараптама тағайындалды. Оқиғаның мән-жайы анықталу үстінде», - деді ведомстводан.

Айта кетсек, осыған дейін Ақмола облысында хабар-ошарсыз кеткен ер адамға іздеу жарияланған болатын.


Біздің каналымызға жазылыңыз:

Бөлісіңіз:

Автор:

Аслан Оспанов

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER

MURAǴAT