21:19, 03 Сәуір 2018 | GMT +6
Головкиннің командасы жаңа аренаны резервке қойды
АСТАНА. ҚазАқпарат - Орта салмақтағы әлем чемпионы Геннадий Головкиннің (37-0-1, 33 КО) командасы 5 мамырға Лас-Вегастағы MGM Grand аренасын резервке қойды. Бұл туралы «SPORTINFORM» САА хабарлады.
5 мамырда Лас-Вегастағы T-Mobile аренасында Головкин мексикалық Сауль Альвареспен (49-1-2, 34 КО) екінші рет жекпе-жек өткізеді деп күтілген еді - олардың 2017 жылдың қыркүйегінде өткен бірінші айқасы тең нәтижемен аяқталған.
Альварестің допинг-сынамасынан тыйым салынған зат (кленбутерол) табылғаннан кейін, Невада штатының Атлетикалық комиссиясы (NSAC) тергеу бастады, оның нәтижесі 18 сәуірде белгілі болады.
Осы аптада Головкин-Альварес II жекпе-жегі болмайды немесе кейінге шегеріледі деп күтілуде. Головкин мексикалықтың орнына ирландық слаггер Гэри О'Салливанмен (27-1, 19 КО) жұдырықтасады.
Еске сала кетсек, Сауль Альварес Невада штаты Атлетикалық комиссиясының (NSAC) шешімімен уақытша спорттан шеттетілген еді.