10:06, 27 Сәуір 2018 | GMT +6
Головкин мен Альварестің кезекті допинг-тестінің нәтижесі жарияланды
АСТАНА. ҚазАқпарат - Бүкіләлемдік бокс кеңесінің (WBC) президенті Маурисио Сулейман «Таза бокс» бағдарламасы аясында Геннадий Головкин мен Сауль «Канело» Альварестің таяудағы сынама нәтижесін мәлім етті, деп хабарлайды Sports.kz.
«WBC қазір ғана VADA-дан Сауль Альварестің 2 сәуірдегі және Геннадий Головкиннің 3 сәуірдегі допинг-сынамасының нәтижесін алды. Екеуі де - таза», - деп жазды Сулейман өзінің Туиттердегі парақшасында.
Еске салайық, бүгін «Канелоның» 29 наурыздағы тестінің нәтижесі жарияланды. Оның ағзасында кленбутерол мен басқа да тыйым салынған заттар табылған жоқ.