+7 (701) 759 90 19
USD 413.12 EUR 452.86
RUB 5.82 CNY 57.92
Jańalyqtar

Головкин-Деревянченко айқасының андеркартындағы жұптардың толық тізімі жарияланды

2019 жылғы 22 қыркүйек 21:26
Бөлісіңіз:
Головкин-Деревянченко айқасының андеркартындағы жұптардың толық тізімі жарияланды

НҰР-СҰЛТАН. ҚазАқпарат – 5 қазанда Нью-Йоркте өтетін Головкин-Деревянченко айқасының андеркартындағы жекпе-жектердің толық тізімі жарияланды, деп хабарлайды ҚазАқпарат тілшісі.

«Қазақстан кәсіпқой боксы» ВКонтакте парақшасында жоғарыда аталған айқастардың толық тізімі жарияланды. Олар:

Иван Баранчик (19-1, 12КО) — Габриэль Брасеро (25-3-1, 6КО);

Чарльз Конуэлл (10-0, 7КО) — Патрик Дэй (17-3-1, 6КО);

Исраил Мадримов (3-0, 3КО) — Алехандро Баррера (29-5, 18КО);

Әли Ахмедов (15-0, 11КО) — Эндрю Эрнандес (20-7-2, 9КО);

Брайан Себальо (10-0, 5КО) — Хавьер Альбоника (14-2, 12КО);

Никита Абабий (6-0, 5КО) — Исайя Селдон (13-2-1, 4КО);

Джо Уорд (дебют) — Марко Дельгадо (5-1, 4КО);

Джонатан Арройо (3-0-1, 1КО) — Джонатан Фигероа (2-2, 1КО).

Еске сала кетсек, қазақстандық кәсіпқой боксшы Геннадий Головкин (39-1-1, 35КО) мен украиналық Сергей Деревянченконың (13-1, 10КО) жекпе-жегі 5 қазанда Нью-Йорктегі (АҚШ) «Madison Square Garden» аренасында өтеді. Боксшылар IBF нұсқасы бойынша бос тұрған орта салмақтағы әлем чемпионы титулына таласатыны бұған дейін хабарланған еді. Көп өтпей аталмыш айқаста одан бөлек IBO вакантты титулы сарапқа салынатыны мәлім болды. Қос қарсылас бұған дейін алғаш рет бетпе-бет кездесіп, көз арбасты.

Аталмыш кеш аясында қазақстандық Әли Ахмедов жекпе-жек өткізетіні тамыз айының соңында ресми мәлім етілген еді. Ахмедов Г.Головкин құрған GGG Promotions компаниясының боксшысы. Ол бұған дейінгі айқасын да «Madison Square Garden»-де Геннадийдің бокс кешінің аясында өткізген болатын. Қазақстан өкілі америкалық Маркус МакДэниэлді нокаутқа түсіріп, екінші орта салмақтағы WBC International Silver титулын иеленді.


Біздің каналымызға жазылыңыз:

Бөлісіңіз:

Автор:

Аян Бекенұлы

Загрузка...
Пікір қалдыру
+7
Жіберу
Сондай-ақ... оқыңыз
Загрузка...
ONLAIN QYZMETKERLER
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059
REDAKTOR
Алтынбек Кумарзак
Алтынбек Кумарзак
954-059

MURAǴAT