13:04, 28 Сәуір 2021 | GMT +6

Футзалдан Чемпиондар лигасы: Бүгін 1/4 финалда «Қайрат» «Бенфикамен» кездеседі

НҰР-СҰЛТАН. ҚазАқпарат - Бүгін, 28 сәуірде футзалдан UEFA Чемпиондар лигасының ширек финалында Алматының «Қайраты» Португалияның «Бенфика» командасымен кездеседі, деп хабарлайды ҚазАқпарат тілшісі.

Ойын елорда уақытымен18.50-де басталып, «Qazsport» телеарнасынан тікелей эфирде көрсетіледі.

Алдағы ойындарға алматылық клуб сапында қақпашылар - Игита, Нарун Серіков. қорғаушылар - Ранжел (Бразилия), Дуглас, Біржан Оразов, шабуылшылар - Умберто (Бразилия), Дәурен Нұрғожин, Эдсон (Бразилия), Альберт Акбалықов, Шыңғыс Есенаманов, Диего (Бразилия), Дәурен Тұрсагұлов, Гадейя (Бразилия), Фернандиньо қатысады.

Бұған дейін қазақстандық клуб аталған турнирдің плей-офф сатысында белорустік «ВитЭн» (5:3) и румыниялық «Юнайтед Галац» (6:1) клубтарын орта жолда қалдырып кетті.

Сондай-ақ, ширек финалда «Барселона» (Испания) - «Добовец» (Словения), «Интер» (Испания) - «Газпром-Югра» (Ресей), «Спортинг» (Португалия) - КПРФ (Ресей) командалары кездеседі.

Төрт жұптағы сегіз команда 28 сәуір және 3 мамыр аралығында Хорватияның Задар қаласында өткізіледі.

Тегтер:

Спорт Қоғам

Соңғы жаңалықтар

Одан да көп жаңалықтар біздің Телеграм-арнамызда!