16:54, 18 Қыркүйек 2021 | GMT +6
Футзалдан әлем чемпионаты: Қазақстан құрамасы Венесуэламен кездеседі
НҰР-СҰЛТАН. ҚазАқпарат - Бүгін футзалдан әлем чемпионатының финалдық сатысы топтық кезеңіндегі үшінші ойынында Қазақстан құрамасы Венесуэламен кездеседі, деп хабарлайды ҚазАқпарат тілшісі.
Аталған ойын елорда уақытымен 23:00-де басталып, «Qazsport» телеарнасынан тікелей эфирде көрсетіледі.
Қазақстандық футзалшылар А тобында сынға түседі. Қарсыластары - Литва, Венесуэла, Коста-Рика.
Екеуінің арасындағы ойында аталған топта бірінші орын алған құрама анықталады.
Венесуэла бұдан бұрын
Алғашқы екі кездесуінде қазақстандық футзалшылар Коста-Рикадан 6:1, Литвадан 3:0 есебімен басым түсті.
Ал Венесуэла алдымен Литваны 2:1 есебімен жеңсе, Коста-Риканы 1:0 есебімен тізе бүктірді.
Әлем чемпионатында барлығы 24 құрама бақ сынайды. Финал 3 қазанға белгіленген.