Футзалдан әлем чемпионаты: Бүгін Қазақстан құрамасы Литвамен кездеседі

None
None
НҰР-СҰЛТАН. ҚазАқпарат - Бүгін футзалдан әлем чемпионатының финалдық сатысы топтық кезеңіндегі екінші ойынында Қазақстан құрамасы Литвамен кездеседі, деп хабарлайды ҚазАқпарат тілшісі.

Литва құрамасы бұған дейін әлем чемпионаты финалдық сатысында бақ сынап көрген емес. Биыл дүбірлі доданы өткізетін ел ретінде үздіктер қатарына қосылды.

Аталған ойын елорда уақытымен 23:00-де басталып, «Qazsport» телеарнасынан тікелей эфирде көрсетіледі.

Қазақстандық футзалшылар А тобында сынға түседі. Қарсыластары - Литва, Венесуэла, Коста-Рика.

Алғашқы кездесуінде қазақстандық футзалшылар Коста-Рикадан 6:1 есебімен басым түсті.

Ал Литва Венесуэлаға 1:2 есебімен жол берді.

Қазақстандықтар бұдан кейін үшінші турда 18 қыркүйекте Венесуэламен шеберлік байқасады.

Әлем чемпионатында барлығы 24 құрама бақ сынайды. Финал 3 қазанға белгіленген.

Қазақстан құрамасы бұдан бұрын әлем чемпионаты финалдық сатысында екі мәрте бақ сынады.

2000 жылы бірінші кезеңнен аса алмаса, 2016 жылы 1/8 финалға дейін жетті.



Соңғы жаңалықтар