+7 (701) 759 90 19
USD 428.71 EUR 519.12
RUB 5.79 CNY 66.61
Jańalyqtar

Футболдан Қазақстан біріншілігі: «Тараз» үздік үштікке көтерілді

2021 жылғы 14 сәуір 22:10
Бөлісіңіз:
Футболдан Қазақстан біріншілігі: «Тараз» үздік үштікке көтерілді

НҰР-СҰЛТАН. ҚазАқпарат - Бүгін, 14 cәуірде футболдан Премьер-лига командалары арасындағы ел біріншілігінің бесінші туры мәресіне жетті, деп хабарлайды ҚазАқпарат тілшісі.

Ұқсас жаңалықтар
Футболдан Қазақстан біріншілігі: «Астана» қатарынан сегізінші рет жеңіске жетті Футболдан Қазақстан біріншілігі: «Ақтөбе» мен «Қайсар» тең түсті Футболдан Қазақстан біріншілігі: «Тұран» қатарынан үшінші мәрте жеңіске жетті

Кезекті тур ойындары 13 және 14 cәуір күндері өткізілді. Алдымен 13 сәуірде өз алаңында Петропавлдың «Қызылжары» «Ақтөбеден», Қарағандының «Шахтері» Оралдың «Ақжайығынан» 1:2 есебімен жеңілді.

Ал бүгін, 14 cәуірде сырт алаңда елордалық «Астана» Шымкенттің «Ордабасы» клубын 4:1 есебімен тас-талқан етіп жеңсе, Алматының «Қайраты» Ақтауда «Каспиймен» 1:1 есебімен тең түсті.

Одан кейін Қостанайда «Тобыл» Қызылорданың «Қайсарын» 1:0 есебімен тізе бүктірді. Кездесу тағдырын шешкен жалғыз голды 2-минутта алаң иелері сапынан Тони Сильва соқты.

Тағы бір кездесуде өз алаңында «Атырау» Талдықорғанның «Жетісуын» қабылдады. Аталған кездесуде талдықорғандық клубтан Бауыржан Тұрысбек 37-минутта гол соқса, ол 68-минутта пенальтиден мүлт кеткен жоқ. Оған 76-минутта алаң иелерінен Петар Кунич бір голмен жауап қайырса, 92-минутта талдықорғандық Асхат Балтабеков авттогол авторы атанды. Осылайша қос команда 2:2 есебіне қанағат білдіріп тарасты.

Бесінші тур ойындарын Түркістанда өткен жергілікті «Тұран» мен «Тараз» командалары түйіндеді. Бұл ойында тараздық Педро Эуженио 78-минутта гол соғып, кездесу тағдырын шешті. Осылайша «Тараз» 1:0 есебімен жеңіске жетті.

Осылайша бесінші турдан кейін 11 ұпай жинаған «Астана», «Қайрат», «Тараз» және «Тобыл» командалары көш басында тұр.

Алдағы алтыншы тур ойындары 19 сәуірде өткізіледі. Бұл күні «Қайсар» мен «Атырау», «Астана» мен «Қызылжар», «Тұран» мен «Каспий», «Жетісу» мен «Ордабасы», «Тараз» бен «Ақжайық», «Қайрат» пен «Тобыл» командалары кездеседі.


Біздің каналымызға жазылыңыз:

Бөлісіңіз:

Автор:

Әділжан Үмбет

Ұқсас жаңалықтар
Сондай-ақ... оқыңыз
Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Жанибек Амангелди
Жанибек Амангелди
954-059
REDAKTOR
Жанат Қапалбаева
Жанат Қапалбаева
954-059

MURAǴAT