Футболдан Қазақстан біріншілігі: Бүгін 17-тур ойындары басталады

None
None
НҰР-СҰЛТАН. ҚазАқпарат - Бүгін футболдан Премьер-лига командалары арасындағы ел біріншілігінің он жетінші туры басталады, деп хабарлайды ҚазАқпарат тілшісі.

Ойындар 22 және 23 маусым күндеріне белгіленген. Алғашқы күні үш жұп кездессе, екінші күнінде төрт матч өтеді.

Аталған турдың шымылдығы 22 маусымда 19.00-де «Астана» (Нұр-Сұлтан) мен «Ордабасы» (Шымкент) командалары кездесуімен ашылады. Одан кейін 20.00-де «Ақжайық» (Орал) мен «Шахтер» (Қарағанды), 21.00-де «Ақтөбе» мен «Қызылжар» (Петропал) кездесулерімен жалғасады.

Ал 23 маусымда 18.00-де «Жетісу» (Талдықорған) мен «Атырау», 19.00-де «Қайрат» (Алматы) мен «Каспий» (Ақтау), 20.00-де «Тараз» бен «Тұран» (Түркістан) ойындары болады. Бұл турды 21.00-де «Қайсар» (Қызылорда) мен «Тобыл» (Қостанай) кездесуі түйіндейді.

Он алтыншы турдан кейін 38 ұпаймен «Астана» көш бастап келеді. Одан кейінгі орындардағы «Тобылдың» 35, «Қайраттың» 30 ұпайы бар.


Соңғы жаңалықтар