Футболдан әлем чемпионаты: Қазақстан құрамасы Финляндияға есе жіберді

Бүгінгі кездесуде қазақстандық жанкүйерлер құрамадан жеңіс күткені анық. Дегенмен ойын барысында финляндиялық футболшылар жинақы қимыл көрсетті. Нәтижесінде 45, 47-минуттарда Темми Пукки мергендік танытты. Бұдан кейін таблодағы есеп өзгерген жоқ.

Кездесуде қазақстандық футболшылар қарсыласына 0:2 есебімен есе жіберді.

Сондай-ақ, бүгін елорда уақытымен 00:35-те Украина өз алаңында Босния және Герцоговинаны қабылдайды.

Қазақстан құрамасы бұған дейін алты ойын өткізді. Үшеуінде тең нәтиже тіркеліп, үшеуінде қарсыластарына есе жіберді. https://kaz.inform.kz/news/futboldan-alem-chempionaty-kazakstan-kuramasy-finlyandiyamen-kezdesedi_a3847847

Айта кетейік, қазақстандық құрама іріктеу сатысында D тобында сынға түседі. Қарсыластары - Франция, Украина, Босния және Герцоговина, Финляндия.

Енді Қазақстан құрамасы келесі ойынын 13 қарашада сырт алаңда Франция құрамасымен өткізеді. Сол күні Финляндия Босния және Герцоговинамен кездессе, 16 қарашада өз алаңында Францияны қабылдайды.