Футбол: Қазақстан кубогы финалына шыққан екінші команда анықталды

Естеріңізге сала кетелік, бұдан бұрын финалға Қызылорданың «Қайсар» командасы жолдама алғанын хабарлаған едік. Аталмыш команда бүгін өз алаңында Қостанайдың «Тобылын» 3:1 есебімен тізе бүктірді.

Атыраудағы жергілікті «Атырау» мен «Ордабасы» арасындағы кездесуде есеп ашылған жоқ. Екі команда бір-бірінің қақпасы маңында шабуыл ұйымдастырды. Дегенмен екеуі де көздеген мақсатына жете алған жоқ. Екі команда арасындағы жартылай финалдың алғашқы кездесуінде 1:1 есебі тіркелген еді. Нәтижесінде қос ойынның нәтижесімен «Атырау» командасы финалға жолдама алды.

Биыл Қазақстан кубогында «Атырау» да сәтті ойнап келеді. Атыраулық клуб 1/8 финалда Талдықорғанның «Жетісу» клубын 1:0 есебімен қапы қалдырды. Одан кейін ширек финалда Семейдің «Алтайымен» негізгі кезеңде 1:1 есебімен тең ойнап, пенальти тебуде атыраулық команда мергендік танытты. Одан кейін Биыл Қазақстан кубогында «Атырау» да сәтті ойнап келеді. Атыраулық клуб 1/8 финалда Талдықорғанның «Жетісу» клубын 1:0 есебімен қапы қалдырды. Одан кейін ширек финалда Семейдің «Алтайымен» негізгі кезеңде 1:1 есебімен тең ойнап, пенальти тебуде атыраулық команда мергендік танытты. Енді «Ордабасы» командасын да орта жолда қалдырып отыр.

«Атырау» 2009 жылы кубок иегері атанды. Сол жолы Қарағандының «Шахтерін» 1:0 есебімен жеңген болатын. Соңғы екі жылда финалға дейін жетті. Сондай-ақ, 2001, 2004 және 2005 жылдарда жартылай финалға шыға алды.