14:15, 15 Қазан 2019 | GMT +6
Францияда сотталған төрт адам түрмеге апара жатқанда қашып кетті
НҰР-СҰЛТАН. ҚазАқпарат - Францияда сотталған төрт адам түрмеге апара жатқан жолда қашып кетті, деп хабарлайды ҚазАқпарат Agence France-Presse агенттігіне сілтеме жасап.
Агенттіктің хабарлауынша, қылмыскерлер Марсель қаласында дүйсенбі күні өздерін түрмеге әкетіп бара жатқан арнаулы фургоннан қашып шыққан.
Қолда бар деректерге қарағанда, фургонның ішіндегілер жапа-тармағай шулап, автомобильдің ішкі жағын ұрғылай бастаған. Осы сәтті пайдаланған төрт қылмыскер фургонның артқы есігін ашып, зытып отырған.
Полиция оларды іздестіріп жатыр.