Фируза Шәріпова келесі жекпе-жегін қашан өткізетіні мәлім болды
26 жастағы Ф.Шәріпова профидегі 12-інші жеңісіне былтырғы қазан айында жеткен болатын. Ол сербиялық Сара Марьяновичпен (7-7, 3 КО) өткен айқасты төрешілердің бірауызды шешімімен жеңді. Шәріпованың еншісінде бір ғана жеңіліс бар. Ол 2016 жылы Софья Очигаваға есе жебірген еді. Айта кетсек, бұл – қос бұрымды үшін де дебюдтік айқас болатын.
ВКонтакте әлеуметтік желісіндегі «Қазақстанның кәсіпқой боксы» парақшасында жазылғандай, әлемнің екі дүркін чемпионы және Еуропа чемпионаттарының үш дүркін жеңімпазы С.Очигава кәсіпқой рингте 4 рет жеңіске жеткен болатын. Ресейлік қыз бұған дейінгі кездесуін өткен жылдың желтоқсанында өткізді. Ол отандасы Юлия Куценкодан үстем болып, жеңіл салмақтағы WBC Silver белдігін жеңіп алды.
«Очигава мен Шәріпова жекпе-жекті Қазанда сәуір айында өткізеді. 3 және 10 сәуір даталары қарастырылуда. Сондай-ақ бұл айқас титулды блолуы үшін келіссөздер жүргізілуде», - деп мәлім еткен Шәріпова мен Очигаваның менеджері Сергей Завилевский РИА Жаңалықтар агенттігіне.
Айта кетсек, олар реваншты жазда өткізуі мүмкін еді. Алайда коронавирус пандемиясына байланысты кездесу бірнеше рет кейінге қалдырылды.