16:52, 03 Тамыз 2021 | GMT +6
Еуропалық комиссия Сан-Маринода салынған «Спутник V» сертификаттарын мойындады
НҰР-СҰЛТАН. ҚазАқпарат - Еуропалық комиссия Сан-Маринода салынған «Спутник V» сертификаттарын мойындады, деп хабарлайды ҚазАқпарат Қарағанды фармацевтикалық кешенінің Telegram-дағы парақшасына сілтеме жасап.
«Спутник V» препаратымен вакциналанған азаматтар Еуропаға еш кедергісіз саяхаттай алады. Еуропалық комиссия коронавирусқа қарсы күресте ресейлік препарат қолданылатын Сан-Марино екпе сертификаттарын мойындады. Сан-Маринода берілген иммундау құжаттары ЕО мен Шенген аймағындағы елдерде заңды. Бұл туралы Ресейдің тікелей инвестициялар қоры мәлім еткен. Сан-Маринода «Спутник V» препаратын қолдануға 2021 жылдың ақпан айында рұқсат берілді. Ресейлік препаратпен вакцинациялау республикаға коронавирус инфекциясын жеңген Еуропадағы алғашқы ел болуға мүмкіндік берді», делінген хабарламада.