Еуроодақ тұрғындарының 57 пайызы COVID-19-ға қарсы вакцина алды
Бұл туралы Еуроодақ COVID-19-ға қарсы вакциналау науқанының кезекті кезеңін аяқтағаннан кейін айтылды.
Атап айтқанда, У. Ляйеннің айтуынша, ересек еуропалықтардың 57%-ы коронавирусқа қарсы вакцинаның екі компонентін алған. Вакцина оларды толық қорғайды.
«ЕО уәдесін орындады. Біздің мақсатымыз шілде айында Еуропа Одағы азаматтарының 70%-ын кем дегенде вакцинаның бір компонентімен қорғау болатын. Бүгін біз дегенімізге жеттік. Бұл көрсеткіш Еуропаны әлемде вакцина алуда алдыңғы қатарға шығарды», - деді У. Ляйен.
Еуроодақ басшысының айтуынша, мұнымен тоқтап қалуға болмайды.
«Өзіміздің денсаулығымыз бен өзгелердің қауіпсіздігі үшін. ЕО халыққа және басқа елдерге вакцинаның жеткілікті көлемін жеткізіп отыруын жалғастырады», деді ол.
Авторы Арнұр Рақымбеков