Есірткі бизнесімен күресте ІТ-мамандар құрамы күшейтіліп жатыр
Есірткіні ақпараттық-коммуникациялық желілер арқылы тарату заңсыздықтарына тосқауыл қою мәселесіне тоқталған Үкімет басшысы, «есірткі бизнесімен күрестің тиімділігін көтеру мақсатында тиісті бөлімшелерді тәжірибелі мамандармен толықтыру бойынша шаралар қабылдануда. Осы орайда ІТ-технология саласында білімі әрі интернет желісінің көлеңкелі сегменттерімен жұмыс дағдысы бар адамдар қамтылады» деді.
Оның сөзіне қарағанда, тиісті министрліктер ақпараттық кеңістікті мониторингілеу барысында биыл 450-ге тарта есірткі сайттары бұғатталды.
Сонымен қатар, есірткіні насихаттаумен айналысқан 300-ден астам интернет-ресурстарға шектеу енгізілді.
Мұнымен қоса Премьер-Министр анонимді пайдаланушылар пайдасына электронды қаржыны аударуға тыйым салу мен электронды ақшаға қатысты күмәнді операцияларды тоқтату бойынша заңнамалық түзетулердің екі пакеті әзірленгенін айтты.