20:41, 04 Тамыз 2020 | GMT +6
Ералы Тоғжанов «СҚ-Фармацияға» коронавирустың екі айлық дәрі-дәрмек қорын құруды тапсырды
НҰР-СҰЛТАН. ҚазАқпарат – ҚР Премьер-Министрінің орынбасары Ералы Тоғжанов «СҚ-Фармация» ЖШС басшылығына коронавирустың екі айлық дәрі-дәрмек қорын қамтамасыз етуді тапсырды, деп хабарлайды ҚазАқпарат тілшісі.
Бүгін ҚР Премьер-Министрінің орынбасары Ералы Тоғжановтың төрағалығымен Ведомствоаралық комиссияның отырысы өткен болатын.
Отырыста «СҚ-Фармация» ЖШС басшылығының есебі тыңдалды, онда стационарлардағы дәрілік заттардың бір айлық қоры туралы баяндалды. Премьер-Министрдің орынбасары COVID-19 емдеу үшін екі айлық дәрі-дәрмек қорын қамтамасыз етуді, сондай-ақ азаматтарды үйде емдеу үшін қажетті қор құруды тапсырды.