17:32, 23 Маусым 2021 | GMT +6
Ералы Тоғжанов қазақстандық вакцина салдырды
НҰР-СҰЛТАН. ҚазАқпарат – ҚР Премьер-Министрінің орынбасары Ералы Тоғжанов коронавирусқа қарсы қандай вакцина салғызғанын айтып берді, деп хабарлайды ҚазАқпарат тілшісі.
«Иә, мен «QazVac» вакцинасын салдырдым. Әрине, бұл – қауіпсіздік пен денсаулықты қамтамасыз етудегі өте маңызды қадам. Сондықтан барлық қазақстандықтарға қажетті вакциналарды жедел қабылдауға кеңес беремін. Қазақстанда вакциналардың бірнеше түрі бар. Әзірге вакцинадан басқа жол жоқ», - деді Е. Тоғжанов Орталық коммуникациялар қызметінде тілшілер сұрағына берген жауабында.
Бұған дейін, Премьер-Министр орынбасары Қазақстанда вакциналау қарқыны көңіл көншітпейтінін және вакциналау санын арттыру талаптары күшейетінін айтқан еді.
Сонымен бірге, отандық «QazVac» вакцинасы ел азаматтарын қамтамасыз еткен соң ғана көрші елдерге жіберіледі.