+7 (701) 759 90 19
USD 420.32 EUR 509.34
RUB 5.7 CNY 64.85
Jańalyqtar

Елордалықтар ұлы Абайға арналған жаңа челлендж бастады

2020 жылғы 10 тамыз 12:46
Бөлісіңіз:
Елордалықтар ұлы Абайға арналған жаңа челлендж бастады

НҰР-СҰЛТАН. ҚазАқпарат - Нұр-Сұлтан тұрғындары қазақтың ұлы ақыны Абайдың 175 жылдығына орай #Абай175 #Abay #Abai #Абай музыкалық челленджін бастады, деп хабарлайды ҚазАқпарат тілшісі.

Абай әнін бірінші болып түрлі салада қызмет ететін мамандар орындады, олар - дәрігерлер, автобус жүргізушілері, полицейлер, құтқарушылар, мұғалімдер, этномәдени бірлестіктердің өкілдері, сондай-ақ волонтерлер.

Оларға қазақстандық эстрада жұлдыздары Майра Ілиясова, Қыдырәлі Болманов, Айгүл Иманбаева, Қайрат Баекенов қолдау білдірді. Барлығы сүйіп тыңдайтын, халықтың құлағында жатталып қалған «Көзімнің қарасы» әні жаңаша шырқалды. Тұрғындар композицияны шырқап қана қоймай, оны түрлі аспаптарда да орындады.

Музыкалық челленджге қатысушылар қазақ даласының ұлы есімдерін бірге қолдауға және бастамаға қатысуға шақырды.

«Абайдың 175 жылдығына арналған челленджді барша қазақстандықтарға жолдаймыз. Біз біргеміз», – дейді еріктілер.

Еске сала кетейік, 30 мамырда Мемлекет басшысы Қасым-Жомарт Тоқаев Абайдың туғанына 175 жыл толуын атап өту туралы Жарлыққа қол қойды. Сондай-ақ Қазақстанда 10 тамыз – Абай күні мерекесі болып бекітілді.



Біздің каналымызға жазылыңыз:

Бөлісіңіз:

Автор:

Ақбөпе Әбдрасул

Пікір қалдыру
+7
Жіберу
ONLAIN QYZMETKERLER
REDAKTOR
Кожакелдиев Е.
Кожакелдиев Е.
954-059
REDAKTOR
Ербол Жанат
Ербол Жанат
954-059
REDAKTOR
Айдар Оспаналиев
Айдар Оспаналиев
954-059

MURAǴAT