Елордалық газ сатушылардың өзара келісіп баға белгілеу фактісі тіркелді – департамент
«Елордада бірқатар дистрибьютор баллон және автокөлік газын ұзақ уақыт бойы бірдей бағамен сатып келген. Бұл әрекет нарық субъектілерінің ҚР Кәсіпкерлік Кодексінің 170-бабының 1-тармағының 1-тармақшасына (бағаларды белгілеу және (немесе) ұстап тұру бойынша бәсекеге қарсы келісілген әрекет) қайшы келеді. Осыған байланысты ҚР Бәсекелестікті қорғау және дамыту агенттігінің Нұр-Сұлтан қаласы бойынша департаменті аталған субъектілерге заңнама тәртібін бұзу фактілерінің алдын алу мақсатында хабарлама жіберді», - делінген департаменттің хабарламасында.
Хабарламалар нарық субъектілерінің қарау сатысында тұр. Газға негізделген бәсекеге қабілетті бөлшектік сауда бағасы 30 күн ішінде белгіленуі керек. Оны ескермеген жағдайда департамент тергеп-тексеру жұмысын жүргізеді.