Елордадағы қоғамдық тамақтану орындарының жұмыс уақыты тағы өзгереді – қаулы

None
None
НҰР-СҰЛТАН. ҚазАқпарат – 2 тамыздан бастап мейрамхана, дәмхана, кофеханалар, асханалар типі бойынша қоғамдық тамақтану объектілерінің жұмыс уақыты ұзартылмақ. Бұл туралы жаңа қаулыда айтылған, деп хабарлайды ҚазАқпарат.

Қаулы мәтініне сәйкес мейрамхана, дәмхана, кофеханалар, асханалар типі бойынша қоғамдық тамақтану объектілерінің жұмысын, орналасқан жеріне қарамастан, күшейтілген санитариялық-эпидемияға қарсы, санитариялық-профилактикалық іс-шараларды сақтай отырып, тек қана тағамды шығару мен жеткізу (штаттық режимде) және «Ashyq» жобасына қатысатын объектілер үшін жұмыс күндері сағат 07.00-ден 20.00-ге дейін жұмыс кестесі белгіленетін, үй-жай ішінде 50%-ға дейін толтырумен, бірақ 50-ден аспайтын отыратын орын санымен және ашық ауада (жазғы залда)50-ден аспайтын отыратын орын санымен,көрші үстелдердің шеткі орындары арасында кемінде 2 метр әлеуметтік қашықтықты сақтай отырып сенбі және жексенбі күндері жұмыстарына тыйым салумен ұйымдастыру (тамақты жеткізу және шығару штаттық режимде);

Аталған қаулы 2021 жылғы 2 тамызда сағат 00:00-ден бастап күшіне енеді.

Еске салсақ, 26 шілдеден бастап күшіне енген қаулыға сәйкес, елордадағы асханалар типіндегі қоғамдық тамақтану объектілерінің жұмысына жұмыс күндері сағат 07:00-ден 17:00-ге дейін рұқсат беріп, сенбі және жексенбі күндері олардың жұмысына тыйым салынған еді.



Соңғы жаңалықтар